Bandurries, harpes y vigulines con Daniel García de la Cuesta

Daniel García de la Cuesta, Dani Lliberdón, ye ún de los imprescindibles nel panorama de la música tradicional asturiana porque ye de los que lleva tola vida nello. Entregáu a la causa dende bien mozu, pasó per varios grupos: Güercu, Beleño, Lliberdón y anguañu forma parte de Zapica, de la bandina De mandilín y del dúu Harpe Diem. Tamién toca en solitario, fai conciertos didáuticos, participa como músicu n’obres de teatru y abondes más coses  porque ye que Dani nun para.  

Esmolecíu pola investigación de dellos instrumentos musicales tien tres publicaciones sobre l’asuntu: «La bandurria y el rabel», «Harpes y la so presencia n’Asturies» y «Les gaites».  Tamién participó n’otra docena llibros xunto con otros músicos como Angel Llaneza, collaciu na so etapa na Escuela de Música Tradicional La Quintana, amás de ser autor de dellos artículos en revistes y otros medios dixitales.

Angüañu  tien centráu el campu d’estudiu en «La ilustración y el romanceru» y ta embarcáu nel  «Averamientu a la tabla tañida y otros sones». La tabla tañida ye un tablón de madera colgáu por cuerdes nes paredes de les ilesies y percutíu con dos mazos que llamaba a conceyu. Emplegáronlu hasta  que la campana de bronce lu sustituyó.

Daniel García de la Cuesta presenta una Amuesa d’instrumentos tradicionales na que nos va dar a  conocer diferentes instrumentos musicales tradicionales  y fará comparanza con otros instrumentos del arcu atlánticu, por exemplu diferentes  tipos de gaites, zanfones, xiblates, vigulines… L’amuesa tará acompañada d’ilustraciones musicales y visuales.

Será nel marcu del Festival Arcu Atlánticu, el xueves 1 d’agostu nel escenariu atlánticu a les 19.00 h.

Danidelacuesta

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: